வரவேற்பு

"வளமான தமிழகம் வலிமையான பாரதம்"

மகாத்மா காந்தி அவர்களுக்கு பிறகு தேடி வந்த பாரத பிரதமர் பதவியை ஏற்றுக் கொள்ளாமல் என்றும் மக்கள் தலைவராக வாழ்ந்த ஜி.கே. மூப்பனார் அவர்களின் " வளமான தமிழகம் வலிமையான பாரதம் " உருவாகிட வேண்டும் என்ற அவரது எண்ணங்களை நிறைவேற்றிட வேண்டும் என்றால் ! அவரது வழி தோன்றாலான " தமிழ் மாநில காங்கிரஸ் " கட்சியின் தலைவர் மக்கள் தளபதி ஜி.கே. வாசன் அவர்களின் " வெளிபடையான நிர்வாகம் வேண்டும் " என்ற முழக்கத்திற்கு வலுச் சேர்க்கவேண்டும், செயலாற்ற வேண்டும் என்ற எண்ணத்தில் ஒரு சிறு முயற்சியாக திருச்சி மாநகர தமிழ் மாநில காங்கிரஸ் - ஐ சேர்ந்த ந. ரவி அவர்களால் இந்த " வாழ்கை வழிகாட்டி "என்ற இணைய தளம் இயங்குகிறது.


இணைக்கப்படாத மக்கள் தொகை வீணடிக்கப்பட்ட உற்பத்திதிறனற்ற வளமாகும். ஒவ்வொரு தனி மனிதனின் திறமை வெளிப்படுத்தப்படுவதைப் பொறுத்து தான் , நமது பொருளாதார அமைப்பு வலிமையானது என்பதை நாம் ஒத்து கொள்ள வேண்டும்.

இன்றைய உலக மயமாக்கப்பட்ட பொருளாதார கொள்கையினால் கட்டுபடுத்தப்பட்ட பொருளாதாரத்தால் அனைவருக்கும் வாய்ப்பு அளிக்கவே முடியாது. திறந்த வெளிப்படையான தகவல் தொடர்பு கொண்ட பொருளாதார அமைப்பு தான் அனைவருக்கும் வாய்ப்பளிபதற்கான சிறந்த வழியாகும்.

நமது மக்களை வெளிப்படையான நிர்வாகத்தால் இணைப்பது தான் நமது அரசியல் கடமையாகும். அதற்கு ஏற்றவாறு நமது தொழில் நுட்ப கட்டமைப்பும் , உள் கட்டமைப்பும் இருந்திட செய்ய வேண்டியது நமது அரசியல் கடமையாகும்.

ஒரு மனிதனுக்கு யாரை தெரியும்! என்பதன் அடிப்படையில் இல்லாமல் அவருக்கு என்ன தெரியும் ! என்பதன் அடிப்படையில், மனிதன் முன்னேற்றம் அடைவதற்குரிய அமைப்பு முறை உருவாக்கப்படாத வரை நம்மால் " வளமான தமிழகத்தையும் வலிமையான பாரதத்தையும் " உருவாக்க முடியாது. இது தான் நமது தலைமுறையினருக்கு விடப்பட்டுள்ள சவால்.

வெளிபடையான நிர்வாகத்தால் மட்டுமே , நாட்டு மக்களின் அறிவும் ஆற்றலும், உழைப்பும் வீணடிக்கபடாமல் ,அவர்களின் வளமான வாழ்க்கைக்கும், வலிமையான குடும்பத்திற்கும் உதவும் என எண்ணி www.vazhkaivazhikatti.com என்ற இந்த இணைய தளம் இயங்குகிறது. இதில் வேலை தேடும் நண்பர்களும், வேலைக்கு ஆட்கள் தேடும் தொழில் நிறுவனங்களும் மற்றும் சுயதொழில் புரியும் நண்பர்களும் இதில் பதிவு செய்து வருகிறார்கள் . இதன் மூலம் அவர்கள் ஒருவருக்கொருவர் தொடர்பு கொண்டு அவரவர் தேவைகளை நேர்மையான முறையில் பூர்த்தி செய்துக் கொண்டு வருகிறார்கள் . .

இம்மாதிரியான முயற்சி , வளமான தமிழகத்திற்கும் வலிமையான பாரதத்திற்கும் வலு சேர்க்கும் என எண்ணி இந்த இணைய தளம் www.vazhkaivazhikatti.com , திருச்சி தமிழ் மாநில காங்கிரஸ் சார்பாக நூறு சதவீதம் இலவசமாக வழங்குகிறோம்.
ந.ரவி
கைபேசி
9842455142